Wednesday, 20th March, 2019

विदेशबाट फर्केका युवाको कृषिमा आकर्षण

भोजपुर । कृषि व्यवसायमा युवाको उत्साह बढ्न थालेको छ । सरकारले कृषक लक्षित विभिन्नखाले कार्यक्रम सञ्चालनमा ल्याएकाले यसतर्फ युवावर्गको आकर्षण बढ्न थालेको हो । विदेशबाट फर्केर यस पेशामा लागेका युवालाईसमेत प्रोत्साहन दिन विभिन्न खालका अनुदान, प्राविधिक सहयोग उपलब्ध गराइएकाले उनीहरू आर्किषत भएका हुन् ।

जिल्लाको पूर्वी क्षेत्रमा पर्ने आम्तेकमा विदेशबाट फर्केका एकसहित तीन युवा मिलेर करीब रु दुई करोडको लागतमा कृषि फार्म सञ्चालनमा ल्याएका छन् ।उनीहरु ‘नमूना बहुउद्देश्य कृषि फार्म’ दर्ता गरेर कृषि तथा पशुपालन व्यवसायमा लागेका हन् । रु एक करोड ९३ लाखको लागतमा ९० रोपनी जमीनमा अलैँची, एभोकार्ड, कागती, बङ्गुर, माछा, कुखुरापालन तथा कृषि सङ्कलन केन्द्रसमेत स्थापना गरिएको सञ्चालक देवेन्द्रबहादुर खड्काको भनाइ छ ।

उनले भने, “देशमा सरकारले कृषि क्षेत्रको विकासका लागि विभिन्नखाले कार्यक्रम सञ्चालन गरेको छ, यसमा साथ दिन कृषि पेशालाई अझ विस्तार गर्ने सोचका साथ काम गरिरहेका छौँ ।” खड्काले भने, “चार वर्षसम्म विदेशमा बसेर कडा परिश्रम गर्दा पनि प्रगति गर्न सकिएन, अब कृषिबाट राम्रो आम्दानी गर्ने लक्ष्यका साथ काम गरिरहेका छौँ, यसबाट हामीले वार्षिक रु ३५ लाख आम्दानी गर्ने लक्ष्य लिएका छौँ ।”

गत वर्षदेखि सो व्यवसाय थालेका उनीहरुले विदेशमा सिकेको सीप तथा कृषि ज्ञान केन्द्रबाट प्राप्त प्राविधिक सल्लाहअनुसार काम गरिरहेका छन् । दुई पोखरी तयार गरेर माछापालन गरेका ती युवाले पशुपालन व्यवसाय विस्तार गर्नका साथै कृषि सङ्कलन केन्द्रसमेत स्थापना गर्ने सोचाइमा छन् ।

यसका लागि गाउँका अन्य कृषकले उत्पादन गरेका दूध सङ्कलन गरी विभिन्न परिकार बनाएर अन्य जिल्ला पठाउने समेत तयारी गरिएको जानकारी दिँदै कृषक खड्कले भने, “यहाँ धेरै कृषकले पशुपालन गरिरहएका छन् तर दूध तथा दूधजन्य वस्तु बिक्री वितरणमा समस्या हुँदा उनीहरुले आफैँले खाएर सक्नुपर्ने अवस्था छ, यसलाई अन्त्य गर्ने हाम्रो सोच छ ।” 

खड्कासँगै रमेश सुवेदी र अङ्कित कार्की पनि सोही काममा सक्रिय छन् । यस फार्मबाट पाँच जनाले रोजगारीसमेत पाएका छन् । अर्का सञ्चालक कार्कीले भने, “सरकाले युवा लक्षित विभिन्न कार्यक्रम ल्याएकाले जिल्लाका हामीजस्ता धेरै युवा स्वदेशमै केही गर्नुपर्छ भनेर लागेका छन् हामीले यसै व्यवसायबाट राम्रै आम्दानी गरिरहेका छौँ ।”

कृषिसम्बन्धी आवश्यक ज्ञानका लागि विभिन्न कृषि कार्यक्रमसँगै आफूहरूले सिकेको सीपलाई सदुपयोग गरेर काम गरिरहेको उनीहरुको भनाइ थियो । अहिले शुरुआतको अवस्था छ, यसलाई अझै व्यवस्थित गरेर लैजाने र व्यावसायिक रुपमा कृषि पेशामा लाग्ने हो भने देशलाई कृषिमा आत्मनिर्भर बनाउन सकिने उनीहरूको छ ।

दैनिक लाखौँ मूल्यको तरकारी विदेशबाट भित्रिरहेको अवस्थामा यस पेशामा लागेर राम्रो आम्दानी गर्नसके देशलाई आर्थिकरुपमा समृद्ध बनाउन सकिने कृषक रमेश सुवेदी बताउँछन् । उनले भने, “हाम्रो देश कृषि प्रदान देश भएपछि अहिलेसम्म पनि तरकारीमा आत्मनिर्भर हुन नसकेका हामी सबै मिलेर कृषिलाई अगाल्न सक्यौँ भने देश तरकारीमा आत्मनिर्भर बन्न सक्छ ।” 

“जिल्लामा अहिले पनि लाखाँै मूल्यको तरकारी अन्य जिल्लाबाट आउने गरेको तर मौसमका बेला भने यहाँको तरकारीले मूल्य पाउँदैन यसका लागि बेमौसमी तरकारी उत्पादन र बजारको अवस्थामा पनि ध्यान दिनपर्ने भएको छ,” कृषक सुवेदीले भने । रासस


सबै पर्तिकृयाहरु
सम्बन्धित समाचार








स्वास्थ्य

जाजरकोट । जाजरकोट अस्पतालमा आवश्यक उपकरण नहुँदा दैनिक उपचारमा समस्या भएको...


बुटवल । बुटवल उपमहानगरपालिकाले मजदुरी गर्दै आएका गर्भवती तथा...


काठमाडाैं । सरकारी चिकित्सकहरुले लाखौंं बिरामीहरुलाई बिचल्लीमा...


काठमाडौं । विषय आर्थिक र सामाजिक भए पनि नेपाली राजनीतिको ठूलो मसला बनेको छ...


काठमाडौँ । संघीय सरकारले स्थानीय तहले कार्यान्वय गर्ने नदी तथा...


साहित्य

काठमाडौं । डा. रेणुका (सोलु)को उपन्यास ‘चिराक’ बजारमा आएको छ । नेपाली समाजको लैंगिक विभेदलाई मुख्य आधार बनाए लेखिएको उपन्यास ‘चिराक’ शनिवार प्रज्ञा भवन कमलादीमा विमोचन गरिएको हो...


काठमाडौं । पत्रकार नारायण वाग्लेको नयाँ पुस्तक ‘कोरियाना कफीगफ’ भोलिदेखि बजारमा उपलब्ध हुनेछ। दुईवटा सफल उपन्यास दिइसकेका वाग्लेको यो तेस्रो गैर अखवारी कृति हो ।...


अन्तरवार्ता

काठमाडौं । कारोबारको अन्तिम १० मिनेटमा बिहीबार पनि नेप्सेको अनलाइन...


काठमाडौं । एकपटकमा रु. ५ लाख वा सोभन्दा बढीको सेयर कारोबार गर्ने...


काठमाडौं । शेयर बजार दिन दिनै दोहोरो अंकले बढ्न थालेको छ । व्याजदरको विषयमा...


काठमाडौं । सरकारले आयोजना गर्न लागेको लगानी सम्मेलनलाई लक्षित गर्दै...


काठमाडौं । अनलाइन सेयर कारोबार प्रणालीको भेण्डर कम्पनी वाइको...


More News