सँगै जनयुद्ध लडेका साथीहरुले हत्कडी लगाए : प्रकाण्ड

काठमाडौँ । नेपाल कम्युनिस्ट पार्टीका प्रवक्ता प्रकाण्डले सँगै जनयुद्ध लगेका साथीहरुले आफूलाई हत्कडी लगाएको बताउँदै को ठिक को बेठिक इतिहासले पुष्टि गर्ने बताए । प्रहरीले म्याद थप्ने जिल्ला अदालत ल्याउँदा पत्रकारहरुसँग संक्षिप्त कुरा गर्दै प्रकाण्डले आफूहरुले राष्टिघात र जनविरोधीसँगै भ्रष्टाचार, कालोबजारी, कमिसनखोरको विरोध गरेकै कारण आफूलाई सरकारले गिरफ्तार गरेको बताए ।

उनले यही विषयमा जनयुद्ध सँगै लडेका साथीहरुले आफू र आफ्नो पार्टीका नेताहरुलाई हत्कडी लगाएको बताए । प्रकाण्डले आफुहरूलाई चरम मानसिक यातना दिएर कम्युनिस्ट नामको ओली सरकारले घोर प्रतिक्रान्तिकारी व्यवहार देखाएको बताएका छन् । आफ्नो पार्टी अहिलेको विद्यमान संविधान र व्यवस्थाका विरूद्ध स्पष्ट राजनीतिक नारा बोकेर अगाडि बढेको पार्टी र यसका नेताहरूलाई गिरफ्तार गरेर कम्युनिस्ट नामको ओली सरकारले बलियो प्रतिक्रान्तिकारी हर्कत देखाएको प्रकाण्डको भनाई छ ।

पत्रकारहरूलाई संक्षिप्त प्रतिक्रिया दिँदै प्रकाण्डले ओली र प्रचण्डहरूले लिएको गलत नीतिले नेपाली जनता आजित भएको र आफ्नो विचारमा सहमत भएको बताए । उनले सरकारले राजनीतिक गरेकै कारण आफूलाई पक्राउ गरी नजरबन्दमा राख्ने र रातभर सुत्न नदिई चरम मानसिक यातना दिएको बताए । ओली र प्रचण्डको सरकारले आफूहरुलाई राजनीति गर्न नदिएको भन्दै उनले आफूलाई लगाइएको हत्कडी देखाउँदै प्रतिक्रान्तिको यही उदाहरण भएको बताए।

जिल्ला अदालत काठमाडौंले प्रकाण्डलाई ५ दिन थुनामा राखेर अनुसन्धान गर्न आदेश दिएको छ । बुधबार अपरान्ह जिल्ला अदालत काठमाडौंमा लगिएका प्रकाण्डलाई थुनामै राखेर थप अनुसन्धानको काम अघि बढाउन प्रहरीलाई अनुमति दिइएको हो । मंगलबार साँझ काठमाडौंका टौदहबाट पक्राउ परेका प्रकाण्डसहित उनका ३ जना सहयोगीमाथि जबरजस्ती चन्दा असुली गरिएको अभियागमा मुद्दा दर्ता गरिएको छ ।


सबै पर्तिकृयाहरु
सम्बन्धित समाचार





कृषि विकास बैंकले ९ सय जना सुरक्षा गार्ड माग्यो

Posted: 2018-04-04 11:44:23

काठमाडौं । कृषि विकास बैंकले दुर्इ...
सनराइज बैंकले कर्मचारी माग्यो

Posted: 2018-03-11 20:40:26

काठमाडौँ । सनराइज बैंकले विभिन्न...
नेपाल राष्ट्र बैंकले माग्यो १ सय ५१ जना कर्मचारी

Posted: 2018-02-22 22:18:46

काठमाडौ । नेपालको आकर्षक जागिर...
सेञ्चुरी बैंकले माग्यो २ सय १४ जना कर्मचारी

Posted: 2018-02-18 11:34:55

काठमाडौं । सेञ्चुरी बैंकले सहायक...
प्रभु बैंकले माग्यो ६२ जना अफिसर कर्मचारी

Posted: 2018-02-12 19:18:18

काठमाडौं । प्रभु बैंकले ६२ जना भन्दा...
एनआईसी एशिया बैंकले १ सय कर्मचारी माग्यो

Posted: 2018-02-09 11:39:58

काठमाडौं । एनआईसी एशिया बैंकले १ सय...
More Jobs