राजविराज विमानस्थलमा नियमित उडान सुरु

राजविराज । राजविराज विमानस्थलवाट नियमित उडान सुरु भएको छ । श्री एयरलाइन्सको ५० सिटको जेट इन्जिनयुक्त सिआर २०० को जहाजले आइतबारबाट नियमित उडान सुरु गरेको हो । चालक दलका ४ सदस्यसहित ५० जना यात्रु लिएर ३ बजेर २० मिनेटमा श्री एयरलाइन्स राजविराज विमानस्थलमा अवतरण गरेको थियो ।

यस्तै, राजविराजबाट २० यात्रु सवार विमान ३ बजेर ५ मिनेटमा काठमाडौंका लागि उडेको थियो । विमानका पाइलट क्याप्टेन राजेश श्रेष्ठले जहाजका लागि विमानस्थल सहज भएको बताए। उनले विमानस्थलको धावनमार्गको लम्बाइ थप २/३ सय मिटर बढाउन सके अझै सहज हुने सुझाव पनि दिए । 

पहिलो उडानबाट राजविराज आएका चालक दलका सदस्य र यात्रुलाई सप्तरी उद्योग वाणिज्य संघका पदाधिकारी तथा राजविराज नगरपालिकाका मेयर शम्भु यादव, उपमेयर साधना झा, विमानस्थलका लागि जग्गादाता परिवारका महामाया सिंह लगायतले फूलमाला र दोसल्लासहित स्वागत गरेका थिए।

नियमित उडान हेर्न विमानस्थलमा सर्वसाधारणको भीड लागेको थियो। विमान सेवा सञ्चालनमा आएपछि सप्तरीसहित सिरहा, सुनसरी उदयपुर तथा सीमावर्ती भारतसम्मका यात्रु लाभान्वित हुने भएका छन्।

राजविराज नागरिक उड्डयन कार्यालयका प्रमुख ज्योतिप्रकाश साहका अनुसार, नियमित उडानका लागि श्री एयरलाइन्ससँग सम्झौता भएको र सो कम्पनीले शनिबार र मंगलबार बाहेक साताको ५ दिन उडान गर्ने बताए।

राजविराज–काठमाडौं र काठमाडौं–राजविराज रुटमा सञ्चालन हुने सेवाका लागि न्यूनतम ३ हजार ५ सय र अधिकतम ६ हजार २ सय तोकिएको छ। काठमाण्डौवाट राजविराजका लागि १ः१५ र राजविराजबाट काठमाडौंका लागि २ः१० बजेको उडान समय निर्धारण गरिएको छ।

२०१६ सालमा तत्कालीन यातायातमन्त्री गणेशमान सिंहले उद्घाटन गरेको विमानस्थल कच्ची धावन मार्गका कारण पटकपटक सञ्चालन तथा बन्द हुँदै आएको थियो। एक महिनाअघि विमानस्थलमा १ हजार ५ सय मिटर लामो र ३० मिटर चौडाइ पक्की धावनमार्ग निर्माण गरिएको थियो।


सबै पर्तिकृयाहरु
सम्बन्धित समाचार






स्वास्थ्य

काठमाडौं । न्युन आय भएका व्यक्तिहरु धेरै पैसा लाग्ने भयले अस्पताल जान...


महोत्तरी । महोत्तरीको जलेश्वर नगरपालिका १२ नैन्हीमा झाडापखालाले थप...


साहित्य

काठमाडौं। सुकेधाराबाट देब्रे मोडिएर अलि मास्तिर उक्लिनुपर्छ । एउटा कालो रङको गेट आउँछ । तीनतले घरमा हल्लाखल्ला केही सुनिँदैन । अक्सर दुर्लभ नै भेटिन्छन्, काठमाडौंमा यस्ता घर । बेलायतको...


त्यतिबेला मैले त्यस घटनालाई बुझ्नै सकेको थिइनँ, त्यसको केही अर्थ होला भनेर मैले सोच्नै सकेको थिइनँ। घटना, घटना नै भनूँ, यस्तो भएको थियोः हररर आवाज गर्दै टिस्टा बगेको वर्णन मैले कथाहुँदो...


अन्तरवार्ता

इन्डोनेसियामा ७.७ रेक्टर स्केलको भूकम्प
काठमाडौं । इन्डोनेसियामा...
दशैंमा गाडी अभाव हुने
काठमाडौं । यातायात व्यवसायीले गाडी...
नवलपरासीमा युवतीमाथि एसिड प्रहार
काठमाडौं । सोमबार नवलपरासीमा...
गंगामायाका छोरा नुरप्रसाद पक्राउ
काठमाडौं । गंगामाया अधिकारीका छोरा...
अपहरण परेकी ९ महिने शिशु बलात्कृत
कञ्चनपुर । गत बुधबार कञ्चनपुरमा...
विराटनगर जुटमिल पुनः सञ्चालनमा
काठमाडौं । नेपालको सबैभन्दा...
More Jobs