कतारमा राहत वितरणको जिम्मा एनआरएनएलाई

काठमाडौँ । गैरआवासीय नेपाली संघ कतारले त्यहाँ समस्यामा परेका नेपालीहरुलाई खाद्यान्न वितरण गर्ने भएको छ ।

अहिलेसम्म नेपाली दूतावास, गैरआवासीय नेपाली संघ तथा अन्य संघसंस्था तथा व्यक्तिहरूले समेत सहयोग वितरण गर्दै आएकोमा राहत वितरणमा हुनसक्ने दोहोरोपन हटाउन त्यसको जिम्मा एनआरएनएलाई दिइएको कतारमा रहेको नेपाली दूतावासले जनाएको छ ।

यस प्रक्रियामा दूतावासले संरक्षक र सहजकर्ताको भूमिका निभाउने गरी आजदेखि राहत कार्यक्रम नसकिंदासम्म वितरणको सम्पूर्ण जिम्मा एनआरएनएलाई दिएको हो । यसले राहत वितरण प्रक्रियालाई एकीकृत रूपमा छरितो तथा प्रभावकारी बनाउने अपेक्षा गरिएको छ ।

यस्तै कतारमा रहेका नेपाली संघसंस्था तथा इच्छुक व्यक्तिहरूले राहत खाद्य सामाग्रीको लागि गैह्रआवासीय नेपाली संघ कतारलाई सहयोग गरिदिन तथा राहत वितरणका लागि स्वयंसेवीहरू उपलब्ध गराइदिन पनि दूतावासले आग्रह गरेको छ ।

राहत खाद्य सामाग्री भण्डारणका लागि  दूतावासले आवश्यक सहयोग गर्नेछ । दूतावासका अनुसार राहत सामाग्री वितरणका लागि समन्वय गर्न दूतावासकोतर्फबाट एकजना प्रतिनिधिलाई समावेश गरिनेछ ।

यस्तै एनआरएनए कतारले राहत खाद्य सामग्री संकलन तथा वितरणको विवरण सार्वजनिक गर्नेछ । यसैगरी राहत खाद्यसामग्री प्राप्त गर्ने व्यक्ति तथा उनीहरुलाई परेको समस्याको जानकारी सहितको नामावली दूतावासलाई पनि उपलब्ध गराउने पनि दूतावासले जनाएको छ ।

संकटको बेला राहत खाद्य सामग्री आवश्यक पर्ने कतारमा रहेका नेपालीहरूलाई गैह्रआवासीय नेपाली संघ राष्ट्रिय समन्वय परिषद्को फोन नम्बर ७४४४९५९२, ५०१२९९००, ७०९०९७२२ र इमेलः nrnancc.qatar2003@gmail.com मा सम्पर्क गर्न दूतावासको अनुरोध छ ।

असार १ गतेदेखि नयाँ शैक्षिक सत्र शुरु गर्ने तयारी

काठमाडौं । सरकारले आगामी असार १ गतेदेखि नयाँ शैक्षिक सत्रको...

आज ८६ सय निको हुँदा ६६ सयमा कोरोना संक्रमण

काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४...

बीएण्डसी मेडिकल कलेजले संचालनको अनुमति पाउने

काठमाडौं । बिगत लामो समयदेखि मेडिकल कलेज संचालनको पर्खाईमा बसेको झापाको...

आज देशभर ३ हजार ५१७ कोरोना संक्रमित थपिए

काठमाडौं । पछिल्लो २४ घण्टामा तीन हजार ५१७ जना कोरोना संक्रमित थपिएका...

नयाँ मूल्यमा २० हजार भाइल रेमडिसिभिर आउँदै

काठमाडौँ । कोरोना संक्रमितको उपचारमा परीक्षणको क्रममा रहेको औषधि...

डा. रेणुकाको ‘चिराक’ बजारमा

काठमाडौं । डा. रेणुका (सोलु)को उपन्यास ‘चिराक’ बजारमा आएको छ । नेपाली समाजको लैंगिक विभेदलाई मुख्य आधार बनाए लेखिएको उपन्यास ‘चिराक’ शनिवार प्रज्ञा भवन कमलादीमा विमोचन गरिएको हो...

कफीगफ स्वादमा ‘कोरियाना’ लिएर आए नारायण वाग्ले

काठमाडौं । पत्रकार नारायण वाग्लेको नयाँ पुस्तक ‘कोरियाना कफीगफ’ भोलिदेखि बजारमा उपलब्ध हुनेछ। दुईवटा सफल उपन्यास दिइसकेका वाग्लेको यो तेस्रो गैर अखवारी कृति हो ।...

सम्बन्ध नभएको प्रेम दिवस र नयाँ वर्ष मान्छौं, तर दशैंमा विरोध किन !– बैरागी काइँला

काठमाडौं। सुकेधाराबाट देब्रे मोडिएर अलि मास्तिर उक्लिनुपर्छ । एउटा कालो रङको गेट आउँछ । तीनतले घरमा हल्लाखल्ला केही सुनिँदैन । अक्सर दुर्लभ नै भेटिन्छन्, काठमाडौंमा यस्ता घर । बेलायतको...