वाणिज्य बैंकहरुको आकर्षणले नेप्सेमा उछाल

काठमाडौँ । दशैं लगत्तै खुलेको बजारमा लगानीकर्ताहरु एकाएक वाणिज्य बैंकहरुको शेयरतर्फ मोडिएका छन् । विभिन्न उपसमुहका सूचकहरु एक पछि अर्को गर्दै उकालो लाग्दा वाणिज्य बैंकहरुको सूचकमा लामो समयदेखि तिब्र सुधार देखिएको थिएन ।

तर दशैं अघि वाणिज्य बैंकमा तिब्र सुधार आउने सामान्य संकेत देखिएकोमा बुधबारदेखि त्यसको असर देखिएको छ । सेयर बजारको लागि चाडपर्वको अवधि ‘अफ सिजन’ मानिन्छ । दशैंको घटस्थापनादेखि छठपर्वसम्मै यस्तो अवस्था विगतका वर्षहरुमा देखिन्थ्यो ।

आम जनतामा चाडपर्वको रौनक नसकिने भएकोले यो अवधिमा सेयर बजारमा कारोबार रकम ज्यादै न्यून हुने गथ्र्यो । कारोबार रकम मात्रै नभएर सेयर बजार सूचकमा समेत यो अवधिमा उल्लेख्य उतारचढाव भएको पाइँदैन । 

५ दिनको बिदापछि बुधबार पहिलोपटक खुलेको बजार कारोबार रकम र सूचकका आधारमा निकै उत्साहपूर्ण रह्यो । बुधबार नेपाल स्टक एक्सचेज (नेप्से) परिसूचक ४१.२० अंकले बढेर १ हजार ६ सय ४७ दशमलव ४६ विन्दुमा पुगेको छ । यो करिब २.५७ प्रतिशतको वृद्धि हो ।

बुधबार नेप्से परिसूचक मात्रै नभएर यस अन्तर्गतका सबै सूचक र व्यापारमूलक क्षेत्र बाहेकका सबै उपसूचक समेत बढेको छ । बैंकिङ समूह एकैदिन ४.२७ प्रतिशत बढेर १ हजार ३ सय ४७ दशमलब २३ अंकमा पुगेको छ । विकास बैंक समूहमा २.९१ प्रतिशत बाहेक अन्य उपसूचकमा भने सामान्य बढोत्तरी देखिएको छ ।

कोरोनाका कारण परेको असरले बैंक वित्तीय संस्थालाई पनि असर पार्ने आँकलन भईरहेका बेला असोज मसान्तसम्मको हिसाबलाई गत आर्थिक वर्षको अन्त्यसम्म तान्न मिल्ने व्यवस्था भयो । जसका कारण्ण बैंक वित्तीय संस्थाले एक पछि अर्को गर्दै औषतमा १४ प्रतिशत प्रतिफल घोषणा गर्न थालेका छन् ।

सस्तो मूल्यका वाणिज्य बैंकहरुको शेयरबाट मुद्धती निक्षेपको भन्दा राम्रो प्रतिफल पाउने अवस्था देखिएका कारण लगानीकर्ताको सक्रियता वाणिज्य बैंकमा देखिएको हो ।

आज देशभर ३ हजार ५१७ कोरोना संक्रमित थपिए

काठमाडौं । पछिल्लो २४ घण्टामा तीन हजार ५१७ जना कोरोना संक्रमित थपिएका...

नयाँ मूल्यमा २० हजार भाइल रेमडिसिभिर आउँदै

काठमाडौँ । कोरोना संक्रमितको उपचारमा परीक्षणको क्रममा रहेको औषधि...

लक्षण बिनाको काेरोना संक्रमण झन खतरनाक

काठमाडौं । कोरोना भाइरस संक्रमणको महामारी बढिरहेको छ । मृत्यु र संक्रमित...

कोरोना संक्रमितको उपचार निःशुल्क गर्न निर्देशन

काठमाडौँ । स्वास्थ्य तथा जनसंख्या मन्त्रालयले खर्च व्यहोर्न नसक्ने...

जाडो याममा नेपालमा कोरोना संक्रमित ४ लाख पुग्ने

काठमाडौं । जाडो मौसममा नेपालमा कोरोना संक्रमितको संख्या करिब चार लाख...

डा. रेणुकाको ‘चिराक’ बजारमा

काठमाडौं । डा. रेणुका (सोलु)को उपन्यास ‘चिराक’ बजारमा आएको छ । नेपाली समाजको लैंगिक विभेदलाई मुख्य आधार बनाए लेखिएको उपन्यास ‘चिराक’ शनिवार प्रज्ञा भवन कमलादीमा विमोचन गरिएको हो...

कफीगफ स्वादमा ‘कोरियाना’ लिएर आए नारायण वाग्ले

काठमाडौं । पत्रकार नारायण वाग्लेको नयाँ पुस्तक ‘कोरियाना कफीगफ’ भोलिदेखि बजारमा उपलब्ध हुनेछ। दुईवटा सफल उपन्यास दिइसकेका वाग्लेको यो तेस्रो गैर अखवारी कृति हो ।...

सम्बन्ध नभएको प्रेम दिवस र नयाँ वर्ष मान्छौं, तर दशैंमा विरोध किन !– बैरागी काइँला

काठमाडौं। सुकेधाराबाट देब्रे मोडिएर अलि मास्तिर उक्लिनुपर्छ । एउटा कालो रङको गेट आउँछ । तीनतले घरमा हल्लाखल्ला केही सुनिँदैन । अक्सर दुर्लभ नै भेटिन्छन्, काठमाडौंमा यस्ता घर । बेलायतको...