Thursday, 13th August, 2020

राखेप सदस्य सचिवका लागि ३ जनाकाे नाम सिफारिस

काठमाडौं । राष्ट्रिय खेलकुद परिषदको सदस्य सचिव पदकालागि ३ जनाको नाम सिफारसमा परेको छ । जसमध्य रमेश कुमार सिलवाल, लिल बहादुर थापा र अन्जु श्रेष्ठको नाम सिफारिस कमिटिले युवा तथा खेलकुद मन्त्री जगत बहादुर विश्वकर्मालाई बुझएको छ । युवा तथा खेलकुद मन्त्रालयका सचिव राम थपलियाको संयोजकत्वमा गठित तीन सदस्यीय समितिले नाम बुझाएको हो ।  

रमेश कुमार सिलवाल तत्कालीन सदस्य सचिव हुन र उनी नेपाली क्रिकेटसँग पनि सम्बन्धित व्यक्ति हुन । लील बहादुर थापा नेपाल भलिबल संघका उपाध्यक्ष र पुर्व खेलाडी हुन्  भने अन्जु श्रेष्ठ राष्ट्रिय महिला भलिबल टिमकी पुर्व कप्तान हुन । मन्त्रालयले सिफारिस भएका तीन जनाको नाम सदस्य सचिव नियुक्तिका लागि मन्त्री परिषदमा पेश गर्नेछ । आगामी मन्त्री परिषदको बैठकले तीन मध्ये एकलाई चार वर्षकोलागि सदस्य सचिव नियुक्त गर्नेछ । 

प्रधानमन्त्री केपी ओली निकट रमेश कुमार सिलवालको संभावना सबैभन्दा बढी छ । नयाँ ऐन अगाडि सिलवाल नै सदस्य सचिवको पदमा थिए । सदस्य सचिवले प्रयोग गर्दै आएको अधिकार भने करिब ७५ प्रतिशतले घटेको छ । यो सँगै सदस्य सचिवले प्रयोग गर्दै आएको एकल अधिकारको अन्त्य हुनेछ । सदस्य सचिवले प्रयोग गर्दै आएको अधिकार अब सात सदस्यीय कार्यकारी समितिले प्रयोग गर्नेछ । ऐनमा सदस्य सचिव बन्नकोलागि नेपाली नागरिक, स्नातक तह उत्तीर्ण, खेलकुदको क्षेत्रमा पाँच वर्ष काम गरेको, प्रचलित कानुनले अयोग्य नभएको र ३० वर्ष पुरा भएको पाँच योग्यता तोकेको छ । 

सदस्य सचिवका लागि बिभिन्न २७ जनाको दर्खास्त परेपछि छनौटको आधारमा सिफारिस समितिले स्पष्ट पार्न सकेन । ऐन र प्रक्रिया नयाँ भएपनि राजनैतिक दबाब भने स्पष्ट देखियो । नयाँ ऐन लागु भएसँगै राष्ट्रिय खेलकुद परिषद्को बोर्ड र त्यस अन्तर्गतका सबै संरचाना कानुनी रूपमा स्वत खारेज भएका थिए । राष्ट्रिय खेलकुद परिषद् कै ईतिहासमा पहिलो पटक दर्खास्त दिएर सदस्य सचिवको चयन हुन लागेको हो । 

नयाँ खेलकुद ऐन २०७७ अनुसार तीन महिला सहित २७ जनाले दर्खास्त दिएका थिए । तीन महिलामा मीना श्रेष्ठ, अन्जु श्रेष्ठ र नीलम बज्राचार्य रहेका छन थिए भने दर्खास्त दिने अन्यमा रमेश कुमार सिलवाल, रोशन महर्जन, अनिल अधिकारी, हर्क बहादुर राई, शिव राज भट्ट, लिल बहादुर थापा, अच्युतम लामिछाने, रविराज कर्णिकार, मेघराज पौडेल, रामेश्वर श्रेष्ठ, अच्युत खनाल, मन बहादुर गुरुङ, विजय कुमार राय, सानु राजा केसी, किशोर शाही, सुदिल शाही, रमेशमान डंगोल, ध्रुव राज न्यौपाने, खेम राज अधिकारी, राम पुडासैनी, सुनिल नकर्मी, रण बहादुर चन्द, दिपेन्द्र ढकाल र तेज बहादुर गुरुङ रहेका थिए । 


सबै पर्तिकृयाहरु
सम्बन्धित समाचार












स्वास्थ्य/शिक्षा

काठमाडौं । पर्साको वीरगञ्जमा कोरोना भाइरसको संक्रमणबाट थप एक जनाको...


काठमाडौंं । विश्वव्यापी महामारीको रुपमा रहेको कोरोनाा भाइरस संक्रमणका...


काठमाडौं । काठमाडौं उपत्यकामा थप ४५ जनामा कोरोना भाइरसको संक्रमण देखिएको...


काठमाडौंं । महोत्तरीमा १० जना नेपाली सेनामा कोरोना संक्रमण पुष्टि भएको छ...


काठमाडौं । त्रिभुवन विश्वविद्यालयले लकडाउन खुलेसँगै रोकिएका परीक्षा...


कला/साहित्य

काठमाडौं । डा. रेणुका (सोलु)को उपन्यास ‘चिराक’ बजारमा आएको छ । नेपाली समाजको लैंगिक विभेदलाई मुख्य आधार बनाए लेखिएको उपन्यास ‘चिराक’ शनिवार प्रज्ञा भवन कमलादीमा विमोचन गरिएको हो...


काठमाडौं । पत्रकार नारायण वाग्लेको नयाँ पुस्तक ‘कोरियाना कफीगफ’ भोलिदेखि बजारमा उपलब्ध हुनेछ। दुईवटा सफल उपन्यास दिइसकेका वाग्लेको यो तेस्रो गैर अखवारी कृति हो ।...


काठमाडौं। सुकेधाराबाट देब्रे मोडिएर अलि मास्तिर उक्लिनुपर्छ । एउटा कालो रङको गेट आउँछ । तीनतले घरमा हल्लाखल्ला केही सुनिँदैन । अक्सर दुर्लभ नै भेटिन्छन्, काठमाडौंमा यस्ता घर । बेलायतको...


अन्तरवार्ता